حسبي الله ونعم الوكيل ف كل حيوان نازل من بيته عشان يإذي بنات الناس وربنا يردله اللي بيعمله ف اغلي ما عنده

حسبي الله ونعم الوكيل ف كل حيوان نازل من بيته عشان يإذي بنات الناس
وربنا يردله اللي بيعمله ف اغلي ما عنده
معتقدش اني بعد ما اصحي من 6 الصبح وانزل واخد ف المواصلات ساعه وربع عشان اول الكلية وبعدها اقعد 9 ساعات ف تلات محاضرات وارجع ف المواصلات ساعه ونص عشان يجي حيوااان مش هقول راجل لانه حيوان ويحاول يمد ايده عليا
انا ركبت العربيه ف تالت كرسي من ناحيه الشمال جمب الشباك
وفي نص الطريق احس ب ايد جمبي وابص ما الاقيش حاجة وبعدها نفس الاحساس تاني وابص ملاقيش حاجة قررت اعمل مش واخده بالي لاني متأكده ان دي ايد اللي قاعد ورايا
عملت نفسي مش حاسة بحاجة وبفتح شنطتي عادي ادور علي اي حاجة المفاتيح أو قلم اغرزها ف ايد الحيوان
لحسن حظي انا وسوء حظه هو لاقيت زي اللي الصوره دي ف شنطتي "قصافه خيوط" اكيد ناس كتير تعرفها وانا عشان بشتغل مع الكليه ف اتيليه فساتين ف دايما شغاله بيها ف بتبقي ف شنطتي معظم الوقت
طلعتها ومن غيظي وغيرتي علي نفس قومت بسرعه مديت ايدي جمبي ولاقيت الحيوان مادد ايده من بين الكرسي وبين جمب العربية لاني قاعده جمب الشباك قومت طبقت ايدي جامد عليه واتعدلت وغرزتها ف ايده وقفلتها كمان وهي مغروزه يعني عملت جرح كبير الحيوان ده قعد يصرخ ويتوجع ومن بجاحته بيزعق لي كمان والسواق وقف مره واحده
انا هيستيري بقيت اعيط واشتمه والناس بقوا يهدوني ويحطوله مناديل علي ايده عشان الجرح كان كبير والناس الجدعه تقولي خلاص كنتي قوليلنا واحنا نتصرف قال يعني كتر خيرهم😡😡
انا راضيه عن تصرفي ولو كنت اطول احطها ف عينه كنت عملت كدا والله العظيم ولولا اني كنت لوحدي وكنت خايفه كنت وديته القسم وبهدلته وعملت فيه محضر
بس كنت لوحدي والناس نزلوه م العربيه وقالوا كفايه عليه اللي حصله
كما تدين تدان

منقووول